Hôrs! Doar zien weej aal gröts óp. De kliedingwinkel MAN in Horst verkocht de letste joare mit groêt succes de moeiste klier en producten mit ut bekende Hôrs logo. Weej hebbe in oktoëber 2021 dé kans gekrege um ut moeie merk “Hôrs” aover te neme ván MAN in Horst. Wat un moeie kans! Dát heb ik drek mit twië hande ángegreepe.

Wie zien jullie dá?
oêt Hôrs is onderdiël ván Studio Inge, Studio Inge stiët veur grafisch werk, persoenlijke kadoos en nag veul mier. Heer bedeene weej lokale klanten mej en via ózze websjop verkoêpe we ut grej door hiël Nederland en Bels.

Wörrum unne aparte websjop?
Um ózze lokale producten beater tot zien recht te loate kome hebben weej un áparte websjop gemákt. Un beater overzicht ván ut grej wat weej verkoêpe.

Wat goan weej mit “Hôrs” doon?
De bekende kwaliteit klier behalde, dát is ut belangriekste! Vanoêt deze, vur iederiën bekende basis, wille weej in de toekomst leuke en schônne ni-je klier, kadoos en producte op de mèrt brenge.

Ózze winkel…
Weej zitte in ut centrum an de Hoëfdstraot 27 in Hôrs, loêp rustig unne kiër binnen um un shirtje te passe of un leuk kadootje oêt te zeuke vur unne verjeurdag of fiëstje. Weej hebbe op dit moment nag gén vaste aopeningstie-je, kom gewoên neave of mak anders efkes un afspraak dán wette zeker dat d’r iemes is.

Hoapeluk tot snel, hojje wâh!

Inge
oêt Hôrs